ترکی کے صوبۂ باتمان کی ایک صاحبہ، جن کا اسم گرامی انہوں نے پردۂ اخفا میں رکھنے کی استدعا کی ہے، اپنے عقدِ مسعود اور ولیمے کے پرمسرت موقع پر وہ کارِ خیر انجام دے گئیں جس کی مثالیں فقط سیرتِ صالحین میں ملتی ہیں۔ انہوں نے اپنے جہیز میں ملنے والا کل سونا، جس کی مالیت قریباً چالیس ہزار امریکی ڈالر یعنی ایک کروڑ بارہ لاکھ روپے بتائی جاتی ہے، برادرانِ فلسطین کی اعانت میں وقف فرما دیا۔
اس باخدا دلہن کا ارشاد ہے کہ وہ اپنی ازدواجی زندگی کا آغاز ہی اس نیتِ خیر سے کرنا چاہتی ہیں کہ غزہ کے مصیبت زدہ عوام کی کچھ سبیل ہوسکے اور ان کی حالتِ زار میں کچھ کمی آئے۔ انہوں نے نہایت اخلاص کے ساتھ یہ بھی فرمایا کہ ان کی یہ سعی، دیگر اہلِ دل کے لئے بھی ہمدردی، ایثار اور یکجہتی کا چراغ بنے، بالخصوص ان ایامِ ابتلا میں جب کہ فلسطینی عوام صہیونی ظلم و ستم کی چکی میں پس رہے ہیں۔
بے شک، یہ اقدام نہ صرف حسنِ سیرت کا مظہر ہے بلکہ امتِ مسلمہ کیلئے ایک عملی پیغام بھی کہ جس دل میں دردِ اُمّت جاگزیں ہو، وہی دل حقیقی معنوں میں منوّر ہے.
